«Көчле эшләр кабул иттек»: «Алтын мөнбәр» кинофестиваленә 731 гариза килгән

XXII Казан халыкара «Алтын мөнбәр» кинофестиваленең сайлап алу комиссиясе гаризалар кабул итү кампаниясенең финишына якынлашулары турында хәбәр итә. Комиссиянең чираттагы утырышында кинематографистларның кызыксынуы елдан-ел арта баруы билгеләп үтелде. Гаризалар саны да, катнашырга теләк белдерүче илләр географиясе дә шуны раслый.

Кинофестивальгә инде 731 гариза кабул ителгән. Сайлап алу комиссиясе җитәкчесе Яңа культурология институты директоры, ВГИК белгече, продюсер Нина Кочеляева билгеләп үткәнчә, Төркиядән, Казахстаннан, Таҗикстаннан, Һиндстаннан, Кытайдан, Филиппиннан, Көньяк Кореядан байтак гаризалар килгән. Европа илләреннән дә гаризалар бар. «Быел анимация фильмнарының «ныклы» конкурс программасы булырга тора. Төрле техникадагы көчле эшләр кабул иттек. Фильмнарның берсе курчак анимациясен дә, ясалганны да, уен киносы элементларын да үз эченә ала. Хәзерге анимация илнең этник һәм мәдәни күптөрлелеген күрсәтүе белән аерылып тора», — ди ул.

«Төп конкурс программасыннан тыш, быел тамашачыны Казанның ислам дөньясының мәдәни башкаласы булуына багышланган чаралар да көтә», – дип вәгъдә итә фестивальнең башкарма директоры Миләүшә Айтуганова.

• XXII Казан халыкара «Алтын мөнбәр» кинофестивале 4 — 8 сентябрь көннәрендә үтәчәк.
• Гаризаларны 2026 1 июненә кадәр Этот адрес электронной почты защищён от спам-ботов. У вас должен быть включен JavaScript для просмотра. электрон адресына җибәрергә яки фестивальнең рәсми сайтында http://kazan-mfmk.com/application махсус форманы тутырырга кирәк. Конкурс программасында 2024 елдан да иртәрәк чыкмаган фильмнар карала.