Казанда дары заводында янгын аркасында конструкция өлешчә җимерелгән
Казанда дары заводында янгын аркасында конструкция өлешчә җимерелгән. Бу хакта ТР Рәисе матбугат хезмәте җитәкчесе Лилия Галимова хәбәр итә.
«Сәбәп техноген характерда. Зыян күрүчеләр бар. Барлык хезмәтләр дә гадәттән хәл аркасында тиз арада килеп җиттеләр», — дип хәбәр итте Галимова.
Зыян күрүчеләргә медицина ярдәме күрсәтелә. Кешеләрнең тормышына һәм сәламәтлегенә берни дә янамый. Эш процессы туктатылмаган.
Сәламәтлек саклау министрлыгы хәбәр иткәнчә, ике кеше хастаханәгә озатылган.
