Бер төн эчендә күрше өлкә күгеннән 40 пилотсыз очкыч бәреп төшерелгән
Татарстан белән күрше Самара өлкәсе күгеннән кырыктан артык БПЛА бәреп төшергәннәр, сәнәгать предприятиесе зыян күргән.
Бу хакта өлкәнең губернаторы социаль челтәрләрдә хәбәр итә.
"Барлыгы 40 тан артык пилотсыз очкыч юк ителде. Хәзерге вакытта һөҗүм нәтиҗәләре турында мәгълүмат җыю бара. Иң мөһиме – һәлак булучылар юк. Сәнәгать предприятиеләренең берсендә, шулай ук берничә торак объектта зарарланулар бар (пыяла ватылган). Эшне оператив штаб алып бара", — ди Самара өлкәсе губернаторы Вячеслав Федорищев.
