Россиядә уртача пенсия күләме арткан
Россиядә уртача пенсия күләме февральдә 25,3 мең сумга җиткән. «РИА Новости» агентлыгы анализлаган статистик мәгълүматларга таянып, «Татар-информ» хәбәр итә.
Номиналь чагылышта түләүләр узган елның феврале белән чагыштырганда 8,8 процентка арткан һәм уртача 25 262 сум тәшкил иткән.
2026-2028 елларга исәпләнгән бюджет турындагы федераль закон нигезендә, 1 гыйнвардан иминият пенсияләре 7,6 процентка индексацияләнгән, ә социаль пенсияләр апрельдән 6,8 процентка арткан.
