Миңнуллина: “«Бөке”ләргә бу кадәр сөенгәнем булмагандыр»
Татарстан Инвестицион үсеш агентлыгы җитәкчесе Талия Миңнуллина иртәнге якта «Россия – Ислам дөньясы: КазанФорум»га барганда юлдагы «бөке»ләрне күреп сөенүен әйтте.
Чөнки бу кунаклар барысы да безнең потенциаль инвесторлар, дип белдерде ул.
«Минем беркайчан да «бөке»дә утыруыма бу кадәр шатланганым булмагандыр әле. Чөнки бу кунаклар барысы да «КазанФорум»га бара, алар безнең потенциаль инвесторлар булырга мөмкин. Без һәр кунагыбызны күрергә бик шат», – диде ул.
Талия Миңнуллина Россия Сәүдә-сәнәгать палатасына һәм Татарстан Хөкүмәтенә форумны оештыруда уртак тырышлык өчен рәхмәт тә әйтте.
